Թբիլիսիի օդանավակայանից չվերթներ են չեղարկվել
Վատ եղանակի պատճառով Թբիլիսիի միջազգային օդանավակայանից մի քանի թռիչքներ չեղարկվել են։ Չեղարկվել են չվերթներ դեպի Ստամբուլ, Մյունխեն, Ռիգա, Դուբայ և Բաքու, նաև Ստամբուլից Թբիլիսի չվերթները։ Այս մասին գրում է aliq.ge-ն։
Չեղարկված չվերթների թվում են մի քանի կանոնավոր չվերթներ Թբիլիսիից Ստամբուլի «Սաբիհա Գոգչեն» օդանավակայան։
Վատ եղանակի պատճառով չեղարկվել են նաև Ստամբուլի «Սաբիհա Գոգչեն» օդանավակայանից դեպի Թբիլիսի չվերթերը, որոնք պետք է իրականացնեին «Պեգասուս» և «Թուրքական ավիաուղիներ» ավիաընկերությունները։
«Թուրքական ավիաուղիներ»-ի կանոնավոր չվերթներից մեկը՝ Թբիլիսի-Ստամբուլ ուղղությամբ, մի քանի ժամով հետաձգվել է:
