Շվեդիան հայտարարել է Ուկրաինային, Մոլդովային և Վրաստանին ռազմական օգնություն հատկացնելու մասին
Շվեդիայի կառավարությունը որոշում է ընդունել 50 միլիոն կրոնի (4,86 միլիոն դոլար) չափով ռազմական օգնություն տրամադրել Ուկրաինային, ինչպես նաև 5-ական միլիոն կրոն ( 490 հազար դոլար)՝ Մոլդովային և Վրաստանին։
Այդ մասին հայտնել է Շվեդիայի կառավարությունը։
«Օժանդակությունն իրականացվում է ՆԱՏՕ-ի տարբեր հիմնադրամների միջոցով և կօգտագործվի ականազերծման, ճգնաժամային կառավարման, կիբեռանվտանգության և ռազմական կրթության համար», – ասված է Շվեդիայի կառավարության տարածած հաղորդագրության մեջ։
