Ռուս դիզայներն օդում կախվող համակարգչային մկնիկ է հորինել (լուսանկարներ)
Պրահայում բնակվող ռուսական արդյունաբերական դիզայներ Վադիմ Կիբարդին ստեղծել է նոր տեսակի անլար համակարգչային մկնիկ, որը կոչվում է Bat:
Այն իրենից ներկայացնում է մի համակարգ, որը բաղկացած է հարթակից և մագնիսական օղակով թռչող մկնիկից, որը կարող է դիմանալ մարդկային ձեռքի ծանրությանը: Այս մասին գրում է newsru.com-ը:
Ինչպես տեղեկացնում է աղբյուրը՝ այս սարքը ստեղծվել է նախևառաջ բուժելու ակտիվ օգտատերերի շրջանում տարածված մի հիվանդություն, որը կոչվում է դաստակային ուղիների համախտանիշ: Այդ հիվանդությունն առաջանում է հիմնականում միջին նյարդի ճնշման հետևանքով, որը պատասխանատու է ձեռքի և մատների ձգայունության համար: Այդ հիվանդությունը կարող է առաջացնել անզգայություն, ծակծկոցների, ձեռքի և մատների մկանների թուլություն:
Սակայն այս նորույթն ավելի է հեշտացնում համակարգչային մկնիկի օգտագործումը, քանի որ այժմ հնարավոր է համակարգչից բավականին հեռու նստելով` հեշտությամբ օգտագործել այն և չնյարդայնանալ այն հանգամանքից, որ մկնիկի լարը շատ կարճ է, իսկ դրա օգտագործումը՝ անհարմար:
