Սոնա Մնացականյանին մահացու վրաերթի ենթարկելու դեպքով դատական քննությունն ավարտական փուլում է
Սոնա Մնացականյանին Երևան քաղաքի Պարոնյան և Լեո փողոցների խաչմերուկում վրաերթի ենթարկելու դեպքով դատական քննությունը ավարտական փուլում է։ Այս մասին հայտնել է նրա փաստաբան Րաֆֆի Ասլանյանը՝ «Ֆեյսբուք» սոցիալական ցանցի իր էջում կատարած գրառման միջոցով:
Նա տեղեկացրել է, որ հերթական դատական նիստը տեղի է ունենալու 2023 թվականի դեկտեմբերի 4-ին, ժամը 15:00-ին, Երևան քաղաքի ընդհանուր իրավասության քրեական դատարանի «Կենտրոն» նստավայրում։
2022 թ. ապրիլի 26-ին՝ժամը 18.05-ի սահմաններում Լեո-Պարոնյան-Պռոշյան փողոցների հատվածում ծառայության մեջ գտնվող ճանապարհային ոստիկանության «Տոյոտա» մակնիշի ավտոմեքենաներից մեկը վրաերթի էր ենթարկել 28 տարեկան Սոնա Մնացականյանին, որը տեղափոխվել էր «Նաիրի» հիվանդանոց, որտեղ գիտակցության չգալով՝ մահացել է։
