Ղարաբաղյան հակամարտության կարգավորումը ԵԱՀԿ-ի առաջնահերթությունների թվում է. Զանիեր
Ադրբեջանական 1news.az լրատվական գործակալության փոխանցմամբ` Ադրբեջանի արտգործնախարար Էլմար Մամեդյարովը ԵԱՀԿ գլխավոր քարտուղար Լամբերտո Զանիերի հետ համատեղ մամուլի ասուլիսի ժամանակ հայտարարել է, որ Ղարաբաղյան հակամարտության վերաբերյալ բանակցությունները կարևոր է վարել ԵԱՀԿ Մինսկի խմբում համանախագահող երկրների մասնակցությամբ.
«Ես լավատեսորեն եմ տրամադրված Մինսկի խմբի ձևաչափի հանդեպ` որպես բանակցային հարթակ: ԵԱՀԿ Մինսկի խմբում համանախագահող բոլոր երկրներն էլ (Ֆրանսիա, ԱՄՆ և Ռուսաստան) հանդիսանում են ՄԱԿ ԱԽ մշտական անդամներ և կարևոր դեր են խաղում գլոբալ անվտանգության մեջ» :
Լամբերտո Զանիերն իր հերթին հայտարարել է, որ Ղարաբաղյան հակամարտության կարգավորումը մտնում է ԵԱՀԿ-ի առաջնահերթությունների թվում: Նա ընդգծել է, որ այդ հակամարտության կարգավորումը հեշտ գործընթաց չէ և միաժամանակ ողջունել է ԵՄ-ի ակտիվ մասնակցությունն այդ գործընթացին:
