Իրանական կործանիչը Պարսից ծոցում փորձել է գերել ամերիկյան անօդաչու հետախուզական ինքնաթիռը
France-Presse լրատվական գործակալության փոխանցմամբ՝ իրանական կործանիչը փորձել է Պարսից ծոցում կալանել ամերիկյան անօդաչու թռչող սարքը (ԱԹՍ), սակայն հանդիպելով ամերիկյան երկու մարտական ինքնաթիռի դիմադրությանը, հետ է նահանջել: Այս մասին երեկ պաշտոնապես հայտարարել է Պենտագոնը:
ԱՄՆ իշխանություններն ընդգծել են, որ Predator («Գիշատիչ») ԱԹՍ-ն դիտարկում է իրականացրել Պարսից ծոցի չեզոք ջրերի վրա, երբ նրան փորձել է կալանել իրանական F-4 կործանիչը:
Սկզբնական շրջանում Պենտագոնը հայտարարել էր, որ ամերիկյան ինքնաթիռներից մեկը նախազգուշական կրակ է բացել իրանական կործանիչի ուղղությամբ, սակայն ավելի ուշ այդ տեղեկատվությունը հերքվել է չինովնիկների կողմից:
Ավելի վաղ Իրանի իշխանությունները հայտարարել են ամերիկյան RQ-170 Sentinel և Scan Eagle ԱԹՍ-երի գերեվարման մասին:
