Գիտնականները առաջին տվյալներն են ստացել «Լուսին-25» կայանի սարքերից
Դեպի Երկրի բնական արբանյակը թռչող «Լուսին-25» կայանի գիտական սարքերը միացվել են և առաջին չափումներն են իրականացրել։ Գիտնականները սկսել են մշակել ստացված տվյալները։ Այս մասին հայտնում է «Ռոսկոսմոսի» մամուլի ծառայությունը։
Նշվում է, որ բոլոր սարքերից ստացված ծառայողական հեռաչափական տեղեկությունը ցույց է տվել, որ դրանք աշխատում են բնականոն ռեժիմով։ Ստացվել են դեպի Լուսին թռչելիս չափումների առաջին տվյալները, նախագծի գիտական թիմը սկսել է մշակել դրանք։
«Ռոսկոսմոսում» նշել են, որ Վոստոչնի տիեզերանավից օգոստոսի 11-ին մեկնարկած «Լուսին-25» ավտոմատ կայանը շարունակում է թռիչքը դեպի Լուսին։ Ավտոմատ կայանի բոլոր համակարգերը նորմալ աշխատում են, կապը կայանի հետ կայուն է, էներգաբալանսը` դրական։
«Լուսին-25»-ը պետք է դառնա առաջին կայանը, որը փափուկ վայրէջք կկատարի բարդ ռելիեֆով Լուսնի Հարավային բևեռի շրջանում։ Այս կայանի նախորդ տարբերակները վայրէջքներ են կատարել հասարակածային գոտում։ Կայանի հիմնական նպատակը սառույցի առկայության համար լուսնային հողի կոնտակտային հետազոտությունների անցկացումն է։
«Լուսին-25»-ը կդառնա նաև լուսնային առաջին կայանը ժամանակակից Ռուսաստանի պատմության մեջ։ Երկրի արբանյակ ուղարկված խորհրդային վերջին տիեզերական սարքն արձակվել էր 1976 թվականին և կոչվում էր «Լուսին-24»։
