«Բարսան» վստահ է, որ կխաղա Չեմպիոնների լիգայում
«Բարսելոնան» ՈՒԵՖԱ-ից պատժամիջոցներ չի ակնկալում Նեգրեյրայի գործի պատճառով։
Կատալոնական ակումբը վստահ է, որ կխաղա Չեմպիոնների լիգայի 2023/24 մրցաշրջանում, հայտնում է Marca-ն։ Առաջիկա մի քանի օրվա ընթացքում ՈւԵՖԱ-ն կհայտարարի այն թիմերին, որոնց թույլատրվում է խաղալ Չեմպիոնների լիգայում։ «Բարսելոնան» վստահ է, որ նա կլինի այս ցուցակում:
Ավելի վաղ Բարսելոնայի դատախազությունը դատական հայց էր ներկայացրել ակումբի դեմ՝ տեխնիկական մրցավարական կոմիտեի նախկին փոխնախագահ Խոսե Մարիա Էնրիկես Նեգրեյրային վճարումների հնարավոր կոռուպցիայի համար։ «Բարսան» պնդում էր, որ վճարել է Նեգրեյրայի կողմից պատրաստված մրցավարական հաշվետվությունների համար, ով 2001-2018 թվականներին ակումբից ստացել է 7,3 միլիոն եվրո:
Հաղորդվում է, որ ՈՒԵՖԱ-ի երկու տեսուչներ իրենց զեկույցներում եկել են այն եզրակացության, որ այս դեպքի պատճառով «Բարսելոնան» պետք է մեկ մրցաշրջանով զրկվի Չեմպիոնների լիգային մասնակցելուց։
Հունիսի սկզբին հաղորդվում էր, որ ՈՒԵՖԱ-ի հետաքննությունը դեռ բաց է, պատժամիջոցներ չեն լինի առնվազն ևս մեկ շաբաթ։ Պատճառն այն է, որ կատալոնացիները դեռ չեն պատասխանել ՈՒԵՖԱ-ի տեսուչների հարցերին։ Տեսուչները ավելի քան 70 հարց են ուղարկել ակումբին Նեգրեյրայի գործի վերաբերյալ:
