Արմեն Աշոտյանը՝ դասադուլի և իր հնարավոր պաշտոնանկության մասին
ՀՀ կրթության և գիտության նախարար Արմեն Աշոտյանն այսօր հերթական գրառումն է կատարել ֆեյսբուքի իր էջում։
«Ինձ շատ եք հարցնում, թե ինչու երկու «թեժ» հարցերի մինչ այժմ չեմ անդրադարձել:
Հարկ չէի համարում, բայց քանզի այս հարցերը իմ որոշ ֆբ-ընկերներին հետաքրքրում են, ապա ասեմ, որ.
ա. Իմ հնարավոր պաշտոնանկություն
ՀՀ Սահմանադրությանը համապատասխան Կառավարության հետ միասին հրաժարական կտամ: ՀՀ ԿԳ նախարար լինելը մեծագույն պատիվ է: Միաժամանակ ինձ դասում են այն մարդկանց շարքին, ովքեր ինքնադրսևորման և ինքնակայացման համար չէ, որ Հայաստանում «պաշտոն» են զբաղեցնում:
բ. Դասադուլի կոչեր
Ես ու Րաֆֆին միակարծիք ենք այս հարցում. քաղաքական պայքարը պետք է վարվի բացառապես ՀՀ օրենքների շրջանակում: Երիտասարդները ազատ են իրենց քաղաքական կողմնորոշումների և հայացքների մեջ, սակայն, կարծում եմ, ոչ ի վնաս սեփական կրթության:
Կրկին շնորհակալություն եմ հայտնում ձեզ ձեր ուշադրության, ակտիվության և աջակցության համար»,-գրել է Աշոտյանը:
