Ֆինլանդիան և Շվեդիան փորձում են ՆԱՏՕ-ի հարցով նոր հանդիպում կազմակերպել Թուրքիայի հետ
Ֆինլանդիայի արտաքին գործերի նախարար Պեկա Հաավիստոն հայտնել է, որ Ֆինլանդիան և Շվեդիան փորձում են նոր հանդիպում կազմակերպել Թուրքիայի ներկայացուցիչների հետ ՝ քննարկելու ՆԱՏՕ-ին անդամակցելու հեռանկարներն ու խնդիրները: Այս մասին հայտնում է «ՌԻԱ Նովոստի»-ն։
Ավելի վաղ թուրքական Sabah թերթը գրել էր, որ Հյուսիսատլանտյան դաշինքին անդամակցելու հայտով Թուրքիայի, Շվեդիայի և Ֆինլանդիայի եռակողմ բանակցություններն անորոշ ժամանակով հետաձգվել են Անկարայի պահանջով:
«Ֆինլանդիան, Շվեդիան և Թուրքիան փորձում են նոր եռակողմ հանդիպում կազմակերպել, որտեղ գնահատական կտրվի իրավիճակին», – հայտարարել է Հաավիստոն:
