ԱՄՆ-ը G20 գագաթաժողովում ԵՄ-ի գործընկերներից կպահանջի շարունակել աջակցությունը Կիևին. Reuters
Միացյալ Նահանգների ֆինանսների նախարար Ջանեթ Յելենը ծրագրում է մի շարք հանդիպումներ ունենալ Ֆրանսիայի և Իտալիայի իր եվրոպացի գործընկերների հետ՝ Բալիում կայանալիք G20 գագաթնաժողովի շրջանակում, հայտնում է Reuters լրատվական գործակալությունը՝ հղում տալով ամերիկացի պաշտոնյաներին։ Գործակալության տվյալներով՝ բանակցությունների շրջանակներում Վաշինգտոնի ներկայացուցիչը մտադիր է կոչ անել՝ պահպանել Կիեւի ֆինանսական աջակցությունը։
Ինչպես նշվում է, Ելենը պատրաստվում է եվրոպացի գործընկերներից պահանջել՝ կանխատեսելի եւ թափանցիկ կերպով լուրջ տնտեսական օգնություն ցուցաբերել Ուկրաինային։ Բացի այդ, ԱՄՆ գանձապետարանի ղեկավարը Ֆրանսիայի եւ Իտալիայի ներկայացուցիչների հետ կխոսի էներգետիկ խնդիրների մասին, որոնց կարող է բախվել Եվրոպան ձմռանը։
Reuters-ը նշել է նաեւ, որ G20-ի գագաթաժողովի շրջանակներում Ելենը երկխոսություն է նախատեսում չինացի գործընկերների, այդ թվում՝ Չինաստանի Ազգային բանկի ղեկավար Յի Գանի հետ։ Գործակալությունն ընդգծել է, որ կողմերի բանակցությունները պետք է տեղի ունենան նույն օրը, երբ կկայանա ԱՄՆ նախագահ Ջո Բայդենի հանդիպումը՝ Չինաստանի նախագահ Սի Ծինփինի հետ։
