«Ինտեր»-ը հաղթել է «Բարսելոնա»-ին, Մխիթարյանը՝ մասնակցել խաղին. Չեմպիոնների լիգայի այլ արդյունքներ

Ֆուտբոլի Չեմպիոնների լիգայում կայացան խմբային փուլի հերթական տուրի հանդիպումները:

Պայքարի մեջ մտան A, B, C, D խմբերի թիմերը: A խմբում «Լիվերպուլ»-ը 2:0 հաշվով առավելության հասավ «Ռենջերս»-ի նկատմամբ, իսկ «Նապոլի»-ն արտագնա խաղում հաղթեց «Այաքս»-ին 6:1 հաշվով:

B խմբում «Պորտու»-ն տանը պարտության մատնեց «Բայեր Լևերկուզեն»-ին` 2:0:

Նույն խմբում նույն հաշվով «Բրյուգե»-ն պարտության մատնեց Մադրիդի «Ատլետիկո»-ին:

C խմբում Միլանի «Ինտեր»-ը նավզագույն հաշվով հաղթեց կատալոնական «Բարսելոնա»-ին: Հայաստանի ֆուտբոլի ազգային թիմի նախկին ավագ Հենրիխ Մխիթարյանը «Ինտեր»-ի մեկնարկային կազմում էր և մասնակցեց ամբողջ խաղին:

Իսկ «Բավարիա»-ն հաղթեց «Վիկտորիա Պլզեն»-ին 5:0 հաշվով:

D խմբում «Մարսելը» սեփական հարկի տակ 4:1 հաշվով առավելության հասավ «Սպորտինգ»-ի նկատմամբ: «Այնտրախտ»-«Տոտենհեմ» խաղն ավարտվեց զրոյական ոչ-ոքի հաշվով: