Քսենյա Սոբչակը հերքում է իր հղիության մասին տարածված լուրերը
Հեռուստահաղորդավարուհի Քսենյա Սոբչակը, ով օրերս գաղտնի ամուսնացել էր, հերքել է այն լուրերը, թե ինքը հղի է: Ինչպես գրում է wday.ru կայքը, փետրվարի 1-ին Մաքսիմ Վիտորգանի հետ հեռուստահաղորդավարուհու գաղտնի ամուսնությունից հետո տարբեր լրատվամիջոցներ առաջ քաշեցին այն վարկածը, որ ամուսնանալու շարժառիթը ոչ թե սերը, այլ Սոբչակի հղիությունն է եղել:
«Նստած եմ խոհանոցում: Շատ երշիկ ու հաց եմ կերել: Սա վերջի սկիզբն է»: Սոբչակի twitter-յան այս գրառումից հետո վերջինիս հղիության մասին լուրերը սկսեցին ավելի տարածվել: Հեռուստահաղորդավարուհին, սակայն, շտապեց հերքել լուրերը. «Ես հղի չեմ: Ինչպիսի անհեթեթություն: Ուղղակի նոր ուրախություն եմ գտել` երշիկ: Նախկինում տանը երշիկ չկար»:
