Վերջին 7 ամսում ավելի քան 23 մլն օտարերկրյա քաղաքացի է մեկնել Թուրքիա
Թուրքիա ժամանած օտարերկրյա զբոսաշրջիկների թիվն ընթացիկ տարվա 7 ամսում նախորդ տարվա նույն ժամանակահատվածի համեմատ աճել է 128.28%-ով։ Այս մասին տեղեկացնում է ermenihaber.am-ը։
Թուրքիայի մշակույթի և զբոսաշրջության նախարարության վիճակագրական տվյալների համաձայն՝ օտարերկրյա այցելուների թիվը հունվար-հուլիս ամիսներին կազմել է 23 մլն 30.209։
Ամենաշատ թվով տուրիստներ են եկել Թուրքիա Գերմանիայից, Ռուսաստանի Դաշնությունից և Մեծ Բրիտանիայից։
Այս տարվա միայն հուլիս ամսին Թուրքիան հյուրընկալել է 6 մլն 665.129 զբոսաշրջիկի՝ նախորդ տարվա նույն ամսվա համեմատ գրանցելով 52.84%-անոց աճ:
Գերմանիայից ժամանել է 962.03 մարդ, Ռուսաստանից ՝ 741.419 մարդ, Մեծ Բրիտանիայից՝ 545.973 մարդ։ Հաջորդիվ ամենաշատ թվով այցելուներ ժամանել են Նիդերլանդներից և Բուլղարիայից։
