Իրանը լայնորեն տոնում է Իսլամական հեղափոխության 34-ամյակը
Իրանական Mehr լրատվական գործակալության փոխանցմամբ՝ Իրանը լայնորեն տոնում է Իսլամական հեղափոխության 34-ամյակը: Իսլամական հեղափոխության արդյունքում շահը տապալվեց և իշխանության եկան կրոնական գործիչները:
Այսօր հանդիսավոր միջոցառումներ են անցկացվում են Իրանի Իսլամական Հանրապետության առաջին հոգևոր առաջնորդ, այաթոլլահ Ռուհոլլահ Խոմեյնիի դամբարանի մոտ: Դրանց մասնակցում են կառավարության ու ռազմական ընտրանու անդամներ, հասարակական կազմակերպությունների և բնակչության բոլոր շերտերի ներկայացուցիչներ:
Ավանդաբար Իսլամական հեղափոխության հաղթանակի տոնումը տևում է 10 օր, որի շրջանակներում կազմակերպվում են բազում ցուցահանդեսներ, կինոփառատոններ, մարզական մրցույթներ, Ղուրանի ընթերցման մրցույթներ ու բեմական ներկայացումներ:
