Երևանյան այգիներից մեկը հայտարարել է ինքնագլորների օգտագործման արգելքի մասին
«Սիզընս» այգում արգելվել է ինքնագլորների օգտագործումը։ Այս մասին տեղեկացնում է այգու պաշտոնական ֆեյսբուքյան էջը։
«Հաշվի առնելով վերջին շրջանում ինքնագլորների պատճառով արձանագրված դեպքերը, մենք որոշում ենք կայացրել այգու ամբողջ տարածքում արգելել դրանց օգտագործումը
Մեր այգու փոքրիկ այցելուների անվտանգ ու հաճելի ժամանցն ապահովելը մեզ համար առաջնային է և ամենակարևորը
Հուսանք շատ մոտ ապագայում մեր քաղաքում ևս ինքնագլորների համար կլինեն առանցնացված ուղիներ կամ արահետներ, ինչի շնորհիվ այս փոխադրամիջոցով երթևեկությունը կլինի ապահով և անվտանգ»,- նշված է հաղորդագրությունում։
