Հետախուզվողը հայտնաբերվել է Բաղանիս գյուղի հարակից անտառում
Ոստիկանության Բազումի և Նոյեմբերյանի բաժինների ծառայողների համատեղ ձեռնարկած օպերատիվ–հետախուզական միջոցառումների շնորհիվ հուլիսի 8-ին Տավուշի մարզի Բաղանիս գյուղի հարակից անտառում հայտնաբերվել, ձերբակալվել և Բազումի բաժին է տեղափոխվել 23-ամյա Արտյոմ Գ.-ն, որը 2021 թ. նոյեմբերի 3-ից Բազումի բաժնի կողմից հետախուզվում էր ՀՀ նախկին քրեական օրենսգրքի 177-րդ (Գողությունը) և 333-րդ (Սուտ մատնությունը) հոդվածների մեղադրանքով:
Նա ներկայացվել է նախաքննական մարմնին:
Խափանման միջոցը՝ ստորագրություն:
