«Տո այ ողորմելիներ, ի՞նչ նավթամուղի պայթեցում»․ Էդուարդ Շարմազանով
Էդուարդ Շարմազանովը ֆեյսբուքյան իր էջում գրում է․ «Նախ՝ Հայոց բանակի սպաներին ու զինվորներին ազատեք Բաքվի բանտերից, հետո նոր պարծեցեք «ղազախական արշավանք» նախաձեռնելով։
Ադրբեջանում ընթանում է ՀՀ զինված ուժերի սպաներ Իշխան Սարգսյանի եւ Վլադիմիր Ռաֆայելյանի դատավարությունը։
Ակնհայտ է, որ Բաքվի հանցագործ ու հայատյաց ռեժիմի կտտանքների հետեւանքով, Իշխան Սարգսյանը «խոստովանել» է, թե «իրենք 2021-ի մայիսին պետք է պայթեցնեին Բաքու-Թբիլիսի-Ջեյհան նավթամուղը»։
Սա Բաքվի հերթական զառանցանքն է։
Տո այ ողորմելիներ, ի՞նչ նավթամուղի պայթեցում։
Կապիտուլյանտները «մեռա՞ծ» են, որ ձեր նավթամուղերը պայթեցվեն, այն էլ պատերազմից հետո։
Սրանք նույնիսկ պատերազմի օրերին «ռիսկ չարեցին» նավթամուղեր պայթեցնեն, էլ ուր մնաց՝ պատերազմից կես տարի անց։
Աշխատեցրեք մեխանիզմներն ու ազատեք Բաքվի բանտերից ՀՀ զինված ուժերի ծառայողներին, «ՀԱՊԿ մեխանիզմներ աշխատացնողներ»»։
