Սերդար Քըլըչը նշանակվել է Հայաստանի Հանրապետությունում Թուրքիայի հատուկ ներկայացուցիչ
Ինչպես փոխանցում է TRT.net.tr կայքը հայալեզու բաժնում Թուրքիայի նախագահ Ռեջեփ Թայիփ Էրդողան ստորագրած որոշմամբ, որը հրապարակվել է պաշտոնական տեղեկագրում, Դեսպան Սերդար Քըլըչը նշանակվել է Հայաստանի Հանրապետությունում Թուրքիայի Հանրապետության հատուկ ներկայացուցիչ։
Հիշեցնենք, որ ավելի վաղ Սերդար Քըլըչը որպես թուրքական կողմի բանագնաց էր նշանակվել հայ-թուրքական հարաբերությունների կարգավորման բանակցություններում:
Հայաստան-Թուրքիա երկխոսության գործընթացում Հայաստանի հատուկ ներկայացուցիչ է նշանակվել ՀՀ ԱԺ նախագահի տեղակալ Ռուբեն Ռուբինյանը:
Նշենք, որ Սերդար Քըլըչը 2014-2021 թվականներին եղել է ԱՄՆ-ում Թուրքիայի դեսպանը եւ ակտիվ գործունեություն է ծավալել Հայոց ցեղասպանության ժխտման ուղղությամբ, ակտիվորեն մասնակցել ԱՄՆ Կոնգրեսում Հայկական բանաձեւերի տապալման աշխատանքների կազմակերպմանը, ինչպես նաեւ հակահայկական միջոցառումներ եւ ակցիաներ կազմակերպել ԱՄՆ տարբեր քաղաքներում։
