Ճապոնիայում ջրարկել են էլեկտրական քարշուժով աշխատող աշխարհում առաջին լցանավը
![](https://168.am/wp-content/uploads/2021/12/1071486.jpg)
Ճապոնիայում ջրարկել են KOA Industry Co. նավաշինական գործարանի՝ էլեկտրական քարշուժով աշխատող աշխարհում առաջին լցանավը։
Ճապոնական ընկերության մամուլի տեղեկագրի տվյալների համաձայն, հանդիսավոր արարողությունը նախօրյակին անցկացվել է Սիկոկու կղզու վրա գտնվող Կագավա պրեֆեկտուրայի նավաշինարանում: Լցանավն ստացել է «Ասահի» անվանումը:
Նավի երկարությունը կազմում է 62 մետր, իսկ ընդհանուր բարձրությունը 10,3 մետր է: Լցանավի ռեգիստրային տարողությունը կազմում է 499 տոննա, իսկ վառելքի պահեստարանների ծավալը՝ 1,28 հազար խորանարդ մետր:
Նավը հանդերձված է լիթիումաիոնային մարտկոցներով, որի ընդհանուր հզորությունը կազմում է 3,48 հազար կիլովատ:
Ենթադրվում է, որ լցանավը շահագործման կհանձնվի 2022 թվականի մարտ ամսից՝ Տոկիոյի ծոցում անդրօվկիանոսյան նավերի լցավորման համար, հաղորդել է ՌԻԱ Նովոստին: