Հայտնի է «Բարսելոնա»-ի նոր գլխավոր մարզիչը
Կատալոնական «Բարսելոնա»-ն նոր գլխավոր մարզչի ժամանակավոր պաշտոնակատար ունի: Այս մասին հայտնում է ակումբի մամուլի ծառայությունը: Նոր գլխավոր մարզչի ժամանակավոր պաշտոնակատարը Սերխի Բարխուանն է: Նա թիմի ֆուտբոլիստներին կներկայացվի կայանալիք մարզմանը:
Ավելի վաղ հայտնի էր դարձել, որ Կատալոնական «Բարսելոնա»-ի գլխավոր մարզիչ Ռոնալդ Կումանը հեռացել է զբաղեցրած պաշտոնից: Նման որոշում կայացվել է թիմի՝ «Ռայո Վալյեկանո»-ից կրած պարտությունից (0:1) հետո: Կումանն արդեն իսկ հրաժեշտ է տվել ֆուտբոլիստներին և ակումբի ղեկավարությանը: Ռոնալդ Կումանը «Բարսելոնա»-ի գլխավոր մարզչի պաշտոնը զբաղեցրել էր 2020 թվականի օգոստոսին: Իսպանիայի ընթացիկ առաջնությունում «Բարսելոնա»-ն 10 խաղից հետո միայն 9-րդն է մրցաշարային աղյուսակում:
