Հայտնի է «Ֆանտաստիկ հրեշների» տրիքվելի կինովարձույթ դուրս գալու օրը
«Ֆանտաստիկ հրեշները և որտեղ են նրանք բնակվում» կինոշարքի երրորդ մասը, որը կոչվում է «Ֆանտաստիկ հրեշները. Դամբլդորի գաղտնիքները» անվանումը, էկրաններին կլինի 2022 թվականի ապրիլի 15-ին: Այս մասին պաշտոնապես հայտնել է ընկերությունը:
Շարքի առաջին ֆիլմը, որում գործողությունները տեղի են ունենում Ջոան Ռոուլինգի՝ Հարի Փոթրեի մասին պատմող գրքերում նկարագրված իրադարձություններից 65 տարի առաջ, կինովարձույթ էր դուրս եկել 2016-ին, իսկ երկրորդ մասը, որը կոչվում էր «Ֆանտաստիկ հրեշները. Գրինդևալդի հանցագործությունները»՝ 2018-ին: Ֆիլմի երրորդ մասը պետք է էկրաններին բարձրանար 2021 թվականին, սակայն կորոնավիրուսի համավարակի պատճառով այն հետաձգել էին:
Առաջին երկու ֆիլմերում Գրինդևալդի դերում հանդես էր գալիս հոլիվուդյան դերասան Ջոնի Դեպը, ով, սակայն, ստիպված էր այն թողնել նախկին կնոջ հետ կապված սկանդալի պատճառով: Դերն արդյունքում բաժին է հասել Մադս Միկելսենին:
