Քաղաքական դաշտն առանց Լևոն Տեր-Պետրոսյանի նկատելիորեն կաղքատանա. մամուլ
«Թեև, որոշ գնահատականներով, Գագիկ Ծառուկյանի չառաջադրվելու որոշումից հետո եզակի շանս էր ստեղծվել Լևոն Տեր-Պետրոսյանի համար, և գուցե պահն ավելի քան նպաստավոր էր 2013-ի ընտրություններում առաջադրվելու համար, սակայն Առաջնորդը, ի ցավ բարեկամների և ի հրճվանքս թշնամիների, որոշեց չդնել իր թեկնածությունը:
Եվ, որպես բացատրություն, մեջտեղ բերեց մի փաստարկ, որը քննադատության ենթակա չէ, մարդու մեղքը չէ և ամենաքիչ խոցելին է՝ տարիքը: Գուցե մենք հոգնած ազգ ենք, և 68 տարին ակտիվ կենսագործունեության համար լավագույն տարիքը չէ, սակայն չենք կարող չնկատել, որ քաղաքական դաշտն առանց Տեր-Պետրոսյանի նկատելիորեն կաղքատանա»,- գրում է «Հրապարակ» օրաթերթը:
