Իսրայելում հայտարարել են, որ չեն քննարկում Գոլանի բարձունքների վերադարձը Սիրիային
Իսրայելը չի քննարկում Գոլանի բարձունքների վերադարձը Սիրիային: Այդ մասին ասել է Իսրայելի արտաքին գործերի նախարար Յաիր Լապիդը։
«Իսրայելը չի քննարկում Գոլանի բարձունքները Սիրիային վերադարձնելու հարցը»,-ասել է Լապիդը՝ հանդես գալով ՌԴ ԱԳ նախարար Սերգեյ Լավրովի հետ բանակցություններից հետո կայացած մամուլի ասուլիսում:
Գոլանի բարձունքների տարածքի մեծ մասն Իսրայելի կողմից օկուպացվել է 1967 թվականին Սիրիայի հետ վեցօրյա պատերազմից հետո: 1981 թվականին ՄԱԿ-ի ԱԽ-ն չի ճանաչել Գոլանի մի մասն իր տարածք հռչակելու Իսրայելի որոշումը: 2019 թվականից ԱՄՆ-ը միակ պետությունն է, որը ճանաչել է Իսրայելի ինքնիշխանությունը Գոլանի բարձունքների օկուպացված տարածքների նկատմամբ:
Սիրիայում զինված հակամարտությունը շարունակվում է 2011 թվականից: 2017 թվականի վերջին հայտարարվել է Սիրիայում եւ Իրաքում «Իսլամական պետություն» ահաբեկչական խմբավորման նկատմամբ տարած հաղթանակի մասին, հաղորդել է ՌԻԱ Նովոստին:
