Այս պատերազմում 822 արցախցի է զոհվել, անհետ կորած է 65-ը. Գեղամ Ստեփանյան
44-օրյա պատերազմում զոհվել է Արցախի հանրապետությունից 742 զինծառայող եւ 80 քաղաքացիական անձ: NEWS.am-ի փոխանցմամբ, այս մասին, այսօր՝ սեպտեմբերի 8-ին, լրագրողների հետ ճեպազրույցի ժամանակ նշեց Արցախի մարդու իրավունքների պաշտպան Գեղամ Ստեփանյանը՝ կոչ անելով չտարանջատել, թե զոհված զինծառայողը Արցախից է, Հայաստանի, թե որեւէ այլ բնակավայրից:
Նրա խոսքով, այս պահին ունեն անհետ կորած 45 արցախցի զինծառայող եւ 20 քաղաքացիական անձ:
