Ռուսաստանը մտադիր է Հնդկաստանի հետ AK-203 ինքնաձիգի համատեղ արտադրության պայմանագիր ստորագրել
Ռուսաստանը մտադիր է Հնդկաստանի հետ համաձայնագիր ստորագրել մոտ ժամանակներս այդ երկրում 7,62 միլիմետրանոց AK-203 ինքնաձիգ արտադրելու վերաբերյալ:
Ինչպես հաղորդում է «ՏԱՍՍ»-ը, այս մասին լրագրողներին հայտնել է ՌԴ ռազմատեխնիկական համագործակցության դաշնային ծառայության մամուլի քարտուղար Վալերիա Ռեշետնիկովան՝ Արևելյան տնտեսական համաժողովի ընթացքում։
«Հույս ունենք մոտ ապագայում հասնել բոլոր պայմանավորվածություններին և պայմանագիր կնքել։ Ներկայում, Կորվա քաղաքի համատեղ ձեռնարկությունում շարունակվում են բանակցությունները հնդիկ գործընկերների հետ AK-203 ավտոմատների արտադրության կազմակերպման շուրջ: Մենք փնտրում ենք լուծումներ, որոնք բավարարում են երկու կողմին էլ», – ասել է Ռեշետնիկովան:
6-րդ Արևելյան տնտեսական համաժողովը տեղի է ունենում Վլադիվոստոկում (սեպտեմբերի 2-4-ը)՝ հիբրիդային ձևաչափով։ Գործարար ծրագրի գլխավոր թեման է «Հեռավոր Արևելքի նոր հնարավորությունները՝ փոփոխվող աշխարհում»:
