40-ամյա զինծառայողի մահվան փաստի առթիվ հարուցվել է քրեական գործ
Այսօր առավոտյան Երևանի Նուբարաշեն 5-րդ փողոցում ձախ կրծքավանդակին ստացած հրազենային վնասվածքից մահացածը պայմանագրային զինծառող, ենթասպա 40-ամյա Վարդան Արտուշի Խաչատրյանն է: Պայմանագրային զինծառայողի դին հայտնաբերվել է մեքենայի մեջ: Այդ մասին «Pastinfo.am»-ին հայտնել են ՊՆ տեղեկատվության և հասարակայնության հետ կապերի վարչությունից:
Փաստի առթիվ հարուցվել է քրեական գործ ՀՀ քրեական օրենսգրքի 110-րդ հոդվածի 1-ին մասով (ինքնասպանության հասցնելը) և 235 –րդ հոդվածով (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը):
Հիշեցնենք, որ այսօր լուր էր տարածվել, թե Երևանի կենտրոնում գտնվող մայրաքաղաքային գնդում սպանություն է տեղի ունեցել, սպանվածը պայմանագրային զինծառայող է:
Զինծառայողի հետ տեղի ունեցած միջադեպի փաստը հաստատել էր նաև ՀՀ ՊՆ քննչական ծառայության ավագ սպա Մերի Սարգսյանը՝ նշելով, որ քննիչները դեպքի վայրում են, կատարվում են քննչական գործողություններ:
