Անդրանիկ Սիմոնյանին ԱԱԾ տնօրեն նշանակելու գործընթացը մոտենում է ավարտին. նա այսօր նոր պաշտոն է ստացել
Լոռու մարզի նախկին դատավոր Անդրանիկ Սիմոնյանն այսօր ԱԱԾ տնօրենի տեղակալ է նշանակվել: Վերջինս անցած շաբաթ Քննչական կոմիտեի տեղակալ էր նշանակվել:
Mediaport-ն ավելի վաղ գրել էր, որ ԱԱԾ տնօրեն Արմեն Աբազյանին Փաշինյանն առաջիկայում պաշտոնանկ է անելու և նրան փոխարինելու է Սիմոնյանը, որին նշանակում են նույն ընթացակարգով, ինչ Արգիշտի Քյարամյանին՝ նախ քննչականում, ապա ԱԱԾ-ում պաշտոններ տալով:
Ըստ երևույթին ԱԱԾ-ում անգամ տեղյակ չեն տնօրենի հերթական փոփոխության մասին, քանի որ երկու օր առաջ պաշտոնապես հերքեցին Աբազյանի պաշտոնանկության մասին լուրը: Մինչդեռ Mediaport-ի կառավարության աղբյուրը պնդում է, որ Անդրանիկ Սիմոնյանն ԱԱԾ է տարվում տնօրեն նշանակվելու համար, ինչի ականատեսը կլինենք շուտով:
Առաջիկայում ուշագրավ մանրամասներ կներկայացնենք ԱԱԾ՝ 32-ամյա ապագա տնօրենի մասին:
