Ռուսաստանցիների գրեթե կեսը համաձայն է կազակային պարեկների համակարգի ներդրմանը
Ռուսաստանցիների 42%-ն աջակցում է նախաձեռնությանը, որի համաձայն, երկրի քաղաքներում հասարակական կարգի պահպանման գործում կներգրավեն կազակներին։ Նման արդյունքներ է հրապարակել «Լևադա-Ցենտր» սոցիոլոգիական կենտրոնը։
Հարցումն անցկացվել է 2012թ. նոյեմբերի 23-26-ը։ Հարցման մասնակիցների 13%-ը չի ցանկացել կազակային պարեկներ տեսնել, իսկ 17%-ը դժվարացել է պատասխանել։
Նախաձեռնությանը հավանություն են տվել հիմնականում 40-ն անց մարդիկ և այն քաղաքացիները, որոնց կրթության մակարդակը միջինից ցածր է։
Մինչդեռ 28%-ը, առաջին հերթին՝ կրթված քաղաքացիները, այդ նախաձեռնությանը հեգնանքով են վերաբերվում։
Ինչպես նշում է «Ինտերֆաքսը», ՌԴ ներքին գործերի նախարար Վլադիմիր Կոլոկոլցևը դեռևս ամռանն էր հանձնարարական տվել իրավական հիմք մշակել՝ Ոստիկանության և կազակների համատեղ պարեկային ծառայության համար։
