Հայտնի է՝ որքան կմնա Կումանը «Բարսելոնայում»
«Բարսելոնայի» գլխավոր մարզիչ Ռոնալդ Կումանը կշարունակի աշխատել թիմի հետ:
Ինչպես հաղորդում է Marca-ն՝ վկայակոչելով կատալոնական TV3 հեռուստաալիքը, այս երեքշաբթի օրը Կումանը հանդիպում է ունեցել «Բարսելոնայի» նորընտիր նախագահ Ժոան Լապորտեի հետ: Նրանք պայմանավորվել են հոլանդացի մասնագետի ապագայի շուրջ։ Հաջորդ մրցաշրջանում նա կշարունակի աշխատել թիմի հետ:
Հանդիպմանը ներկա էին նաև «Բարսելոնայի» մարզական տնօրեն Մատեու Ալեմանին և տեխնիկական տնօրեն Ռամոն Պլանեսը: Ղեկավարությունը վստահում է Կումանին:
Սիրարփի Աղաբաբյան
