Samsung-ը պատրաստում է մի քանի անգամ ծալվող սարք

Ընկերությունը շարունակում է փորձեր կատարել ճկուն դիսփլեյի ձևաչափերով:

Nikkei Asia-ն հաղորդել է, որ Samsung-ը 2021 թվականին կթողարկի ոչ միայն նոր ծալվող պլանշետ Galaxy Z Fold և Galaxy Z Flip սմարթֆոնը, այլև բոլորովին այլ ձևաչափի սարք` պլանշետ, որը միանգամից երկու տեղում կծալվի։

Եթե ​​ժամանակակից ծալվող սմարթֆոններում էկրանը թեքվում է միայն մեկ տեղում, ապա այս դեպքում՝ միանգամից երկու տեղում: Այսպիսով, ավելի կոմպակտ մարմնում հնարավոր կլինի տեղավորել նույնիսկ ավելի մեծ էկրան: Ամենայն հավանականությամբ, նման սարքը կաշխատի ավելի շատ պլանշետի նման, քան սմարթֆոնի:

Այս սմարթֆոնը կստանա ավելի ստանդարտ կողմերի հարաբերակցություն` 16:9 կամ 18:9, ինչպես ժամանակակից նոութբուքերում և սմարթֆոններում: Մինչդեռ Galaxy Z Fold-ի հարաբերակցությունը մոտ է 4:3-ին, այսինքն՝ էկրանը գրեթե քառակուսի է:

Samsung-ն ունի արտոնագրեր, որոնք նկարագրում են սարքի նման ձևաչափը: Երկու ծխնիները կարող են օգտագործվել տարբեր դիրքերում, որպեսզի սմարթֆոնը կանգնի հենարանի վրա կամ էկրանի մի մասն օգտագործվի ստեղնաշարի տակ:

Սիրարփի Աղաբաբյան