Հոլանդի տրանսֆերի համար «Բարսան» պատրաստ է վաճառել Գրիզմանին, Կոուտինյոյին, Դեմբելեին և ևս 3 ֆուտբոլիստի
Դորտմունդի «Բորուսիայի» հարձակվող Էրլինգ Հոլանդը շարունակում է մնալ «Բարսելոնայի» գլխավոր տրանսֆերային նպատակը:
Marca-ն գրում է, որ նորվեգացու գնումը կատալոնական ակումբի նոր նախագահ Ժոան Լապորտայի համար առաջնային է: Այս գործարքն իրականացնելու համար ակումբին անհրաժեշտ կլինի ծախսել մոտ 100 միլիոն եվրո:
«Բարսելոնան» պատրաստ է վաճառել Անտուան Գրիզմանին, Ուսման Դեմբելեին, Ֆիլիպե Կոուտինյոյին, Սամուել Ումտիտիին, Մարտին Բրեյթվեյթին և Ջունիոր Ֆիրպոյին՝ Հոլանդիա տրանսֆերն իրականացնելու համար:
Ակումբի նոր ղեկավարությունը պատրաստ է բոլոր ջանքերը գործադրել 20-ամյա հարձակվողի տեղափոխությունը կազմակերպելու համար:
Այս մրցաշրջանում Հոլանդը Դորտմունդի «Բորուսիայի» կազմում բոլոր մրցաշարերում անցկացրած 29 խաղում դարձել է 31 գոլի և 8 գոլային փոխանցման հեղինակ:
Սիրարփի Աղաբաբյան
