Արմեն Սարգսյանը ստենտավորվե՞լ է… Ի՞նչ է կատարվել իրականում
Քիչ առաջ տեղեկություններ տարածվեցին, որ ՀՀ նախագահ Արմեն Սարգսյանը տեղափոխվել է «Աստղիկ» բժշկական կենտրոն, ունի սրտի խնդիրներ ու ստենտավորվում է:
«Աստղիկ» բ/կ-ի՝ 168.am-ի աղբյուրները, սակայն, հաղորդում են, որ ոչ մի լուրջ խնդիր՝ Արմեն Սարգսյանի հետ կապված, չկա, ստենտավորման անհրաժեշտություն՝ ևս:
Ավելին, Արմեն Սարգսյանը շատ ցուցադրական այց է կատարել կենտրոն, սակայն տեղեկացանք, որ որևէ վտանգ նախագահի առողջությանը չի սպառնում, որևէ միջամտության, առավել ևս՝ վիրահատական, անհրաժեշտություն չկա:
Մեր տեղեկություններով՝ Արմեն Սարգսյանին ընդամենը կորոնոգրաֆիկ հետազոտություն են կատարել, և մի քանի ժամից նա կգնա տուն:
Հաշվի առնելով, որ Արմեն Սարգսյանի հրավերով վաղը պետք է կայանան քաղաքական կունսուլտացիաները, որոնք մերժվել են ընդդիմադիր հիմնական դերակատարների կողմից, և որին մասնակցության համաձայնություն են տվել միայն «Իմ քայլը» և «Լուսավոր Հայաստան» խմբակցությունները, տպավորություն է ստեղծվում, որ ստենտավորման շոուով նախագահ Սարգսյանը Նիկոլ Փաշինյանի համար հիմք է ստեղծում վաղվա՝ արդեն տապալված և ընդդիմության կողմից մերժված կոնսուլտացիաները նախագահի կողմից առողջության «վատթարացման» պատճառով հետաձգելու կամ չեղարկելու համար:
