Արտաքին հարաբերությունների հանձնաժողովի նիստը հետաձգվել է. օրակարգում Ադրբեջանի գործողությունները դատապարտող նախագիծն էր
ԱԺ արտաքին հարաբերությունների հանձնաժողովն այսօր հրավիրել էր հանձնաժողովի նիստ: Այս մասին հայտարարությունն ավելի վաղ տեղադրված էր ԱԺ պաշտոնական կայքում:
Նիստի օրակարգում ընդգրկված էր մեկ հարց՝ Ադրբեջանի վերահսկողության ներքո գտնվող ռազմագերիների և գերեվարված քաղաքացիական անձանց, այդ թվում` կանանց հայրենադարձմանը խոչընդոտելու Ադրբեջանի քաղաքականությունը դատապարտելու վերաբերյալ օրենքի նախագիծը:
Նախագիծը հեղինակել են անկախ պատգամավորներ Թագուհի Թովմասյանը, Աննա Գրիգորյանը և Վարդան Աթաբեկյանը:
Սակայն, անհայտ պատճառներով, նիստը հետաձգվել է և տեղափոխվել է մարտի 1-ին:
