Բրյուսելը 225 մլն եվրո կտրամադրի կորոնավիրուսի մուտացիաների հետազոտման և թեստերի մշակման համար
Եվրամիությունը 150 միլիոն եվրո (181, 9 միլիոն դոլար) կտրամադրի կորոնավիրուսի մուտացիաների հետազոտման սեփական ծրագրի համար: Փետրվարի 17-ին այդ մասին հայտնում է Financial Times թերթը՝ վկայակոչելով պլանի մանրամասներին ծանոթ փորձագետների։ Սույն ծրագրի համար միջոցները, հրատարակության տվյալներով՝ կստացվեն Եվրամիության Horizon Europe գիտական հետազոտությունների հիմնադրամից:
Բացի դրանից, առնվազն 75 միլիոն եվրո (90,9 միլիոն դոլար) կտրամադրվի կորոնավիրուսի նոր մուտացիաների հայտնաբերման համար հատուկ թեստերի մշակման նպատակով: Ծրագրի նպատակն է նպաստելու կորոնավիրուսի նոր մանրէահիմքերի արագ հայտնաբերմանը եւ Եվրոպայում օգտագործվող պատվաստանյութերի օպերատիվ ադապտացմանը դրանց: Նաեւ ենթադրվում է կառույցի ստեղծում, որն արտոնագրերի տերերին թույլ կտա գործընկերներին գաղտնի հաղորդակից դարձնել մտավոր սափականությանն՝ ավելի արդյունավետ պատրաստուկների մշակման համար:
Այդ խնդիների իրականացման համար կմիավորվեն Եվրամիության անդամների, այդ թվում Շվեյցարիայի եւ Իսրայելի լաբորատորիաների ջանքերը: Հունվարին եւ փետրվարին ԵՄ-ի հանդեպ ծառացել է պատվաստանյութերի խիստ պակասի խնդիրը, որոնք թողարկում են այս պահին հավաստագրված բոլոր երեք արեւմտյան ընկերությունները՝ Pfizer-ը, Moderna-ի եւ AstraZeneca-ն: Խնդիրը նրանք բացատրել են արտադրական կարողությունների պակասով: Դրա հետեւանքով առաջին եռամսյակում ԵՄ-ն մտադիր է ստանալ 106 միլիոն դեղաչափ պատրաստուկներ:
Մատակարարումների կայունացում սպասվում է երկրորդ եռամսյակում, երբ Բրյուսելը պլանավորում է հասնել երեք ամսում նախապատվերներում կանխավ որոշված 300 միլիոն դեղաչափին: Փետրվարի 12-ին Եվրահանձնաժողովի ղեկավար Ուրսուլա ֆոն դեր Լյայենը հայտարարել է, որ սեպտեմբերի վերջին պետք է կորոնավիրուսի դեմ պատվաստված լինի Եվրամիության չափահաս բնակչության 70 տոկոսը, հաղորդել է ՏԱՍՍ-ը:
