Առաջին մանրամասներն Apple-ի մեքենաների մասին

Պլատֆորմի, դեբյուտային մոդելի վարորդական հատկությունների, թողարկման ժամկետների և արժեքի մասին:

TF Securities-ի հայտնի վերլուծաբան Մին Չի Կոուն կիսվել է Apple Car-ի վերաբերյալ նոր մանրամասներով: IPhone-ի արտադրողի առաջին էլեկտրական մեքենան իսկապես մշակվում է Hyundai-ի հետ համագործակցությամբ, ինչպես ավելի վաղ հաղորդվել էր: Հարավային Կորեայի հսկան կօգնի ստեղծել առաջին մոդելը, իսկ հետո Apple-ը կարող է ներգրավել General Motors-ի և եվրոպական PSA արտադրողի աջակցությունը (պատկանում են Citroën, Peugeot, Opel, Vauxhall ապրանքանիշերին):

Կուոն նշել է, որ Apple-ի առաջին էլեկտրական մեքենան կկառուցվի E-GMP (Electric Global Modular Platform) պլատֆորմի վրա, որը ներկայացվել է 2020 թվականի վերջին: Դրա հիման վրա պետք է թողարկվեն նաև Hyundai Ioniq 5 քրոսովերը և Kia ապրանքանիշի առաջին էլեկտրական մեքենան:

E-GMP-ն այժմ ունի մի քանի կազմաձևեր։ Ստանդարտի հետևի առանցքում տեղադրված է մեկ էլեկտրական շարժիչ, իսկ լիաքարշակ տարբերակի համար կա լրացուցիչ էլեկտրական շարժիչ` դեպի առջևի առանցք տանող շարժիչով: Ըստ Hyundai-ի՝ մեկ լիցքավորմամբ երթևեկության առավելագույն հեռավորությունը հասնում է 310 մղոնի (500 կմ), իսկ մարտկոցը կարող է լիցքավորվել մինչև 80% ընդամենը 18 րոպեի ընթացքում: Վերին կազմաձևում արագությունը մինչև 60 կմժ (98 կմժ) հասնում է 3,5 վայրկյանից պակաս ժամանակում, իսկ առավելագույն արագությունը հասնում է 160 կմժ (257 կմժամ):

Մին Չի Կոուն գրում է, որ Apple-ը դեռ ի վիճակի չէ կառուցել մեքենաների սեփական մատակարարման շղթան, ինչպես դա արեց iPhone-ի, iPad-ի և Apple Watch-ի հետ, այնպես որ, ընկերությունը մասերի արտադրությունն ու հավաքումը կփոխանցի մեքենաների փորձառու արտադրողներին: Այսպիսով, հենց Hyundai Mobis-ն է, որ պետք է առաջնային դեր խաղա Apple Car-ի բաղադրիչների մշակման և արտադրության մեջ, իսկ դուստր ձեռնարկությունը՝ Kia-ն արտադրությամբ կզբաղվի ԱՄՆ-ում: Apple-ն ինքը կենտրոնանալու է ինքնավար կառավարման ապարատային և ծրագրային ապահովման, կիսահաղորդիչների, դիզայնի և ընկերության գործող էկոհամակարգի հետ ինտեգրման վրա:

Ինչ վերաբերում է Apple-ի առաջին մեքենաների հայտնվելու ամսաթվին, ապա դա տեղի չի ունենա մինչև 2025 թվականը, ասում է վերլուծաբանը: Դեբյուտային մոդելը կարժենա զգալիորեն ավելին, քան միջին էլեկտրական մեքենան: Այն պետք է լինի առաջատար էլեկտրական մեքենաների շարքում, որը հասանելի չի լինի բոլորին։

Սիրարփի Աղաբաբյան