ՌԴ խաղաղապահները Լեռնային Ղարաբաղում ականազերծել են շուրջ 859,3 հա տարածք
Ռուսաստանի Դաշնության պաշտպանության նախարարության միջազգային ականազերծման կենտրոնի մասնագետները շարունակել են Լեռնային Ղարաբաղում ականազերծման և պայթյունավտանգ իրերի հայտնաբերման ու վնասազերծման աշխատանքները: Այս մասին հայտնում է ՌԴ պաշտպանության նախարարության պաշտոնական կայքը:
«Խաղաղապահ առաքելության ողջ ընթացքում Լեռնային Ղարաբաղում ականազերծվել է շուրջ 859,3 հա տարածք, 245,8 կմ ճանապարհ: Հայտնաբերվել և վնասազերծվել է 23 հազար 936 պայթյունավտանգ առարկա»,- ասված է հաղորդագրությունում:
