ՀՀ աշխատանքի և սոցիալական հարցերի նախարարի մամուլի քարտուղար Սոնա Մարտիրոսյանը աշխատանքից ազատման դիմում է ներկայացրել
Ուզում եմ տեղեկացնել, որ դիմում եմ ներկայացրել ՀՀ աշխատանքի և սոցիալական հարցերի նախարարի մամուլի քարտուղարի պաշտոնից ազատվելու մասին: Այս մասին ֆեյսբուքյան իր էջում գրել է Սոնա Մարտիրոսյանը։
«Ուզում եմ շնորհակալություն հայտնել նախարարության բոլոր գործընկերներիս՝ այս ահռելի ու չափազանց բարդ ոլորտում աշխատանքի ընթացքում նրանց ցուցաբերած աջակցության ու փոխադարձ հարգանքի համար: Ինձ համար դա շատ կարևոր է:
Շնորհակալ եմ նաև իմ գործընկեր լրագրողներին՝ վերջին երկու տարիների համագործակցության համար:
Ու ամենամեծ շնորհակալությունը Զարուհի Բաթոյանին, որի հետ աշխատանքը և ընկերությունը մեծ փորձ ու պատիվ է ինձ համար:
Լավ եղեք»,- գրել է Մարտիրոսյանը։
Նշենք, որ ավելի վաղ Զարուհի Բաթոյանն ազատվել է ՀՀ Աշխատանքի և սոցիալական հարցերի նախարարի պաշտոնից։ Այդ պաշտոնում նշանակվել է Մեսրոպ Առաքելյանը, ով ավելի վաղ զբաղեցնում էր ՀՀ վարչապետի խորհրդականի պաշտոնը։
