«Փյունիկ»-ը երկարաձգել է պայմանագիրը Մուսալովի հետ
Երևանի «Փյունիկ» ֆուտբոլային ակումբը երկարաձգել է պայմանագիրը պաշտպան Մագոմեդ Մուսալովի հետ։ Այս մասին հայտնում է ակումբի մամուլի ծառայությունը: 26-ամյա ֆուտբոլիստն այս մրցաշրջանում է միացել թիմին։ Մուսալովը «Ռուբինի» ակադեմիայի սան է։ Ֆուտբոլիստի վերջին ակումբը եղել է Ռուսաստանի Պրեմիեր լիգան ներկայացնող «Ախմատը»։
Մուսալովը «Փյունիկում» հանդես կգա 25 համարի ներքո։
Այժմ ազգային ընտրանիների խաղերով պայմանավորված Պրեմիեր լիգայում դադար է: Հայաստանի առաջնության Պրեմիեր լիգայի 7-րդ տուրից հետո մրցաշարային աղյուսակի առաջատարը «Լոռի»-ն է: Երկրորդ և երրորդ տեղերը համապատասխանաբար զբաղեցնում են «Ալաշկերտ»-ը և «Նոա»-ն: «Ուրարտու»-ն 4-րդն է:
