ԱՄՆ-ն ընդլայնել է Կուբայի նկատմամբ պատժամիջոցները
Ամերիկայի Միացյալ Նահանգների ղեկավարությունը պատժամիջոցների ցուցակում ընդգրկել է Կուբայի ևս 4 կազմակերպություն, որոնք, Վաշինգտոնի պնդմամբ, պատկանում են Կուբայի զինված ուժերին և շահույթ են բերում վերջինիս:
Այս մասին հայտնում է ՏԱՍՍ-ը, հղում անելով Պետական դեպարտամենտի մամուլի ծառայությանը:
Այս անգամ սահմանափակումներ են կիրառվել երկու հյուրանոցային համալիրի և երկու հրատարակչության նկատմամբ: Խոսքը Hotel Palacio Cueto և Cayo Guillermo Resort Kempinski հյուրանոցների, ինչպես նաև Casa Editorial Verde Olivo և Departamento de Seguridad del Estado Editorial Capitan San Luis հրատարակչությունների մասին է:
