Կաթվածից ապաքինվելու ընթացքում Կասիլիասը կաշխատի «Պորտուում»
Դարպասապահ Իկեր Կասիլիասը սրտի կաթվածից հետո վերականգնման ընթացքում աշխատելու է իր ակումբում՝ «Պորտուում»:
Ինչպես նշվել է ակումբի պաշտոնական հայտարարության մեջ, դարպասապահը կապ կպահպանի խաղացողների, մարզիչների և թիմի ղեկավարության միջև:
«Ես կանեմ այն, ինչ նախկինում չեմ արել: Ես կփորձեմ կապ հաստատել խաղացողների և ակումբի ղեկավարության միջև:
Մարզիչը խոսել է ինձ հետ անցյալ մրցաշրջանում, երբ ամեն ինչ ինձ հետ պատահեց, և ասաց, որ ինքը կցանկանար, որ մնամ նրանց հետ, երիտասարդ խաղացողների կողքին, քանի որ թիմը կունենա մի քանի փոփոխություն: Ես ամեն ինչ անելու եմ, որպեսզի օգնեմ իմ ընկերներին: Միասին մենք կկարողանանք հաղթել առաջնությունը, գավաթները և լավ արդյունք ցույց տալ եվրոպական մրցաշարում»,- ասել է Կասիլիասը:
Հիշեցնենք, որ մայիսի 1-ին Կասիլիասը պորտուգալական ակումբի մարզման ընթացքում ստացավ սրտի կաթված: Մայիսի 6-ին նա դուրս գրվեց հիվանդանոցից:
Սիրարփի Աղաբաբյան
