Ջիբրալթարի ոստիկանությունը ձերբակալել է իրանական նավթատար նավի անձնակազմի ևս երկու անդամի
Ջիբրալթարի ոստիկանությունը ձերբակալել է «Գրեյս 1» իրանական նավթատար նավի անձնակազմի ևս երկու անդամի: Ինչպես տեղեկացնում է «ՌԻԱ Նովոստի»-ն, այս մասին հաղորդում է «Ջիբրալթար քրոնիկ» թերթը` հղում անելով ոստիկանությանը:
Նախօրեին Ջիբրալթարի ոստիկանությունը քննության շրջանակներում ձերբակալել էր «Գրեյս 1»-ի կապիտանին և ավագ օգնականին` ԵՄ կանոնակարգի խախտումների հետ կապված;
Համաձայն թերթի տեղեկությունների` երկու կալանավորները Հնդկաստանից են: Ներկայումս ոստիկանները հարցաքննում են նրանց:
