Ինչու են ՀՀ կառավարության ծրագրում թվերը քիչ. Ատոմ Ջանջուղազյանի պարզաբանումը
Ֆինանսների նախարար Ատոմ Ջանջուղազյանը ՀՀ կառավարության ծրագրում թվերի խիստ սակավությունը չի համարում պատասխանատվությունից խուսափում։ Այսօր Աժ-ում լրագրողների հետ զրույցում նա հայտարարեց, որ այդ պնդումն անող ընդդիմախոսները ճիշտ չեն և նման քննադատությունը տեղին չի։
«Դուք տեսնում եք ոչ միայն այն, ինչ ծրագրում ներառված է, այլ նաև գործողությունները, որոնք իրականացվում են և ասել, որ դա անպատասխանատու կամ պատասխանատվության ցածր աստիճանի դրսևորում է, կարծում եմ՝ այնքան էլ արդար չի»,- ասաց ֆինանսների նախարարը։
