Ադրբեջանցի ակտիվիստները պատրաստվում են հացադուլ անցկացնել Բեռլինում Ադրբեջանի դեսպանատան դիմաց
Հունվարի 10-ին ադրբեջանցի մի քանի ակտիվիստներ Բեռլինում Ադրբեջանի դեսպանատան դիմաց վրան են տեղադրելու, որտեղ պետք է տեղավորվեն հացադուլ իրականացնող ակտիվիստները: Այս մասին հայտնում է թուրքական «Թուրան» լրատվական գործակալությունը:
Հացադուլ իրականացնողներն իրենց բողոքն են հայտնելու Ադրբեջանի իշխանությունների կողմից քաղբանտարկյալների իրավունքների շարունակական խախտման վերաբերյալ:
Ակցիայի մասնակիցները, մասնավորապես, ընդգծելու են ադրբեջանցի բլոգեր, քաղբանտարկյալ Մեհման Հուսեյնովի նկատմամբ իրականցվող իրավախախտումները, որոնց արդյունքում Հուսեյնովը բանտում հացադուլ էր սկսել:
Հացադուլին մասնակցելու են տասնյակ ադրբեջանցի քաղաքական վտարանդիներ, որոնք բնակվում են Եվրոպայում:
«Մեզ աջակցում են շատ երկրներից և հացադուլի մասնակիցների թիվը աստիճանաբար ավելանում է»,-ասել է Բաքվում ի պաշտպանություն քաղբանտարկյալների իրավունքների իրականացվող հացադուլի մասնակից, «Մուսավաթ» կուսակցության անդամ Թոֆիկ Յագուբլուն:
