Ռոբերտ Քոչարյանը չի մեկնել Հայաստանից. ՀՔԾ
Հատուկ քննչական ծառայությունը հաստատում է, որ Մարտի 1-ի գործով մեղադրյալ Ռոբերտ Քոչարյանը չի մեկնել Հայաստանից։
«Կարող ենք հաստատել, որ նա Հայաստանում է, չի մեկնել։ Սակայն այլ մանրամասներ այս պահին չենք կարող ասել»,- 168.am-ի հետ զրույցում ասաց ՀՔԾ մամուլի խոսնակ Մարինա Օհանջանյանը:
Նա չպարզաբանեց նաև տարածված տեղեկությունը, թե Քոչարյանի անձնագրերը իրավապահների մոտ են պահվում և այդ պատճառով նա չի կարող մեկնել երկրից. «Անձնագրերի մասով այլ մանրամասներ չեմ կարող ասել»։
Հիշեցնենք, որ ավելի վաղ Ռոբերտ Քոչարյանի գրասենյակի ղեկավար Վիկտոր Սողոմոնյանը 168.am-ի հետ զրույցում հայտարարել էր, թե Քոչարյանը մի քանի օրով մեկնում է Հայաստանից:
