Զինեդին Զիդանը նշանակվել է Ֆրանսիայի հավաքականի գլխավոր մարզիչ. պաշտոնական
Ֆրանսիայի ֆուտբոլի ֆեդերացիայի մամուլի ծառայությունը պաշտոնապես հայտնել է, որ ազգային հավաքականի նոր գլխավոր մարզիչ է նշանակվել Զինեդին Զիդանը։ Անվանի մասնագետի հետ կնքվել է աշխատանքային համաձայնագիր, որը նախատեսված է մինչև 2030 թվականը։
Հիշեցնենք, որ աշխարհի 2026 թվականի առաջնությունում Ֆրանսիայի ընտրանին հանդես եկավ Դիդիե Դեշամի գլխավորությամբ, որն ավելի վաղ հայտարարել էր մրցաշարի ավարտից հետո հեռանալու իր որոշման մասին։ ԱԱ-2026-ի երրորդ տեղի համար պայքարում ֆրանսիացիները գոլառատ խաղում 4-6 հաշվով զիջել էին Անգլիայի հավաքականին։
Նշենք, որ Զիդանը 2021 թվականից ի վեր մնացել էր առանց մարզչական աշխատանքի։ Նախկինում նա երկու անգամ գլխավորել է Մադրիդի «Ռեալը» (2016-2018 թթ․ և 2019-2021 թթ․)։ Նրա գլխավորությամբ մադրիդյան ակումբը նվաճել է ընդհանուր առմամբ 11 տիտղոս, այդ թվում՝ երեք անգամ հաղթելով Չեմպիոնների լիգայում։
