ԱՄՆ Պետդեպարտամենտը Մերձավոր Արևելքում ամերիկացիներին զգոնության կոչ է արել
ԱՄՆ Պետդեպարտամենտը Մերձավոր Արևելքում գտնվող ամերիկացիներին զգոնության կոչ է արել։
Մերձավոր Արևելքում լարվածության սրման ֆոնին անվտանգության իրավիճակը շարունակում է բարդ մնալ, և պահպանվում է անկանխատեսելի սրացման վտանգը։ Այդ մասին հայտնել է ԱՄՆ Պետդեպարտամենտը։
«Ներկայումս Մերձավոր Արևելքում գտնվող ԱՄՆ քաղաքացիներին խորհուրդ է տրվում պահպանել զգոնություն, ուշադիր հետևել իրավիճակին, ինչպես նաև պատրաստ լինել ավիաչվերթների հնարավոր չեղարկումներին, օդային տարածքի ժամանակավոր փակմանը և երկաթուղային հաղորդակցության խափանումներին։
Մերձավոր Արևելքից դուրս գտնվող ամերիկացիներին խորհուրդ է տրվում վերանայել տարածաշրջան և տարածաշրջանով տարանցիկ ճանապարհորդելու իրենց ծրագրերը։ ԱՄՆ դիվանագիտական ներկայացուցչությունները, այդ թվում՝ Մերձավոր Արևելքից դուրս, նախկինում ենթարկվել են հարձակումների։ Իրանը և Իրանի աջակցությունը վայելող խմբավորումները կարող են հարձակումներ իրականացնել ԱՄՆ-ի և ամերիկացիների հետ առնչվող օբյեկտների դեմ աշխարհի տարբեր երկրներում»,- նշվում է Պետդեպարտամենտի հայտարարության մեջ։
