Օմանը առաջարկել է երկու առանձին միջանցք ստեղծել Հորմուզի նեղուցում նավերի համար. CNN
Մուսկատում Իրանի հետ բանակցությունների ընթացքում Օմանը առաջարկել է երկու առանձին միջանցք ստեղծել Հորմուզի նեղուցում նավագնացությունը կազմակերպելու համար։ Այս մասին հայտնում է CNN-ը՝ վկայակոչելով սեփական աղբյուրները։ Հարավային միջանցքը կանցնի Օմանի տարածքային ջրերով, որտեղ նավերը կկարողանան անարգել ընթանալ՝ մինչպատերազմյան պայմաններով։ Հյուսիսային միջանցքը կանցնի իրանական տարածքային ջրերով, որով անցնելու համար կպահանջվի Իրանի նախնական թույլտվությունը, սակայն վճար չի գանձվելու։ Օմանն ու Իրանը շարունակում են քննարկել համաձայնագիրը, հստակեցրել են CNN-ի զրուցակիցները։
