Վճռորոշ օր. Մարին Լը Պենի նախագահական հեռանկարները վտանգված են
Այսօր ճակատագրական օր է ֆրանսիական ծայրահեղ աջերի և 2027 թվականի նախագահական ընտրությունների համար։ «Ազգային միավորում» կուսակցության առաջնորդ Մարին Լը Պենը վերջապես կիմանա՝ արդյո՞ք կկարողանա առաջադրվել Ֆրանսիայի նախագահի պաշտոնում, հայտնում է Politico-ն։
Այսօր դատական կոլեգիան կհրապարակի Լը Պենի բողոքարկման վերաբերյալ որոշումը՝ կապված յուրացման գործով դատավճռի և պետական պաշտոններ զբաղեցնելու հնգամյա արգելքի հետ։
Եթե դատարանը ուժի մեջ թողնի դատավճիռը, դա ծանր անձնական հարված կլինի ծայրահեղ աջերի առաջնորդի համար։ Մարին Լը Պենն արդեն երեք անգամ առաջադրվել է նախագահի պաշտոնում, սակայն նրա կուսակցությունը՝ «Ազգային միավորումը», երբեք այսքան բարենպաստ դիրքերում չի եղել հաղթանակի հասնելու համար։
Եթե Լը Պենին արգելվի մասնակցել ընտրություններին, ողջ ուշադրությունը կսևեռվի «Ազգային միավորման» «Պլան Բ»-ի վրա՝ կուսակցության նախագահ Ժորդան Բարդելլայի վրա։
