Առաջիկա պայմանագիրը կկանխի Իրանի կողմից միջուկային զենքի մշակումը. Թրամփ
ԱՄՆ նախագահ Դոնալդ Թրամփը հայտարարել է, որ Իրանի հետ հակամարտությանը վերջ դնելու ապագա համաձայնագիրը կկանխի երկրի կողմից միջուկային զենքի մշակումը։
«Այս գործարքը (Իրանի հետ – խմբ.) կլինի ձախողված JCPOA-ի (Համատեղ համապարփակ գործողությունների ծրագիր – խմբ.) ճիշտ հակառակը… որը Իրանի համար միջուկային զենքի ուղիղ և բաց ճանապարհ էր։ Ոչ, ես նման գործարքներ չեմ կնքում»,- գրել է Թրամփը Truth Social սոցիալական ցանցում։
Ներկայումս Իրանի միջուկային ծրագրի գործունեությունը կարգավորող միջազգային համաձայնագրեր չկան. 2015 թվականին Մեծ Բրիտանիայի, Գերմանիայի, Չինաստանի, Ռուսաստանի, ԱՄՆ-ի, Ֆրանսիայի և Իրանի կողմից կնքված Համատեղ համապարփակ գործողությունների ծրագիրը (JCPOA) կամ այսպես կոչված միջուկային համաձայնագիրը լրացել է 2025 թվականի հոկտեմբերին։
